დაბრუნებისა და გაცვლის პირობები

1. დაბრუნება ან გაცვლა

1.1. მომხმარებელს უფლება აქვს, შეძენილი პროდუქტი დააბრუნოს ან გაცვალოს მისი მიღებიდან 3 კალენდარული დღის განმავლობაში, წინამდებარე პირობებით დადგენილი წესების შესაბამისად.

2. დაბრუნებისა და გაცვლის წესები და გამონაკლისები

2.1. თუ მომხმარებელს სურს პროდუქტის დაბრუნება ან გაცვლა, იგი ვალდებულია წინასწარ აცნობოს Salamander-ს თავისი მოთხოვნის შესახებ.

2.2. დაბრუნების ან გაცვლის მოთხოვნის წარდგენისას, მომხმარებელმა უნდა მიუთითოს პროდუქტის საიდენტიფიკაციო მონაცემები, შეკვეთის ნომერი, შეკვეთის თარიღი, პროდუქტის მიღების თარიღი და დაბრუნების ან გაცვლის მიზეზი. საჭიროების შემთხვევაში, მომხმარებელს შესაძლოა მოეთხოვოს პროდუქტის ფოტოსა და გადახდის დამადასტურებელი დოკუმენტის გამოგზავნა Salamander-ის ოფიციალური Facebook გვერდის Messenger-ის მეშვეობით ან ელფოსტაზე: info@salamander.ge.

2.3. პროდუქტის დაბრუნება ან გაცვლა შესაძლებელია მიღების თარიღიდან 3 კალენდარული დღის განმავლობაში.

2.4. დაბრუნების ან გაცვლისთვის, პროდუქტი უნდა იყოს დაუზიანებელი, გამოუყენებელი, შენარჩუნებული საწყის მდგომარეობაში და თან ახლდეს შეძენისას გადაცემული ყველა ნივთი და დოკუმენტი, მათ შორის სასაქონლო ზედნადები, გადახდის დამადასტურებელი დოკუმენტი, ორიგინალი ყუთი და ნებისმიერი სხვა შესაბამისი აქსესუარი.

2.5. თუ პროდუქტი, მისი შეფუთვა, თანმხლები ნივთები ან დოკუმენტები ცვლილების ან დაზიანების ნიშნებს ავლენს, Salamander უფლებამოსილია შეაჩეროს დაბრუნების ან გაცვლის პროცესი გამოკვლევის დასრულებამდე. გამოკვლევის ვადა არ უნდა აღემატებოდეს 10 სამუშაო დღეს.

2.6. გამოკვლევის შედეგების საფუძველზე, Salamander იტოვებს უფლებას, გააგრძელოს ან შეწყვიტოს დაბრუნების ან გაცვლის პროცედურა.

2.7. პროდუქტის დაბრუნებისას ან გაცვლისას ტრანსპორტირების/მიწოდების ხარჯს ანაზღაურებს მომხმარებელი, გარდა იმ შემთხვევებისა, რომლებიც პირდაპირ არის გათვალისწინებული წინამდებარე პირობებით.

2.8. პროდუქტის დაბრუნება ან გაცვლა შესაძლებელია, თუ:

2.8.1. პროდუქტი არ შეესაბამება შეკვეთას ან ვებგვერდზე მითითებულ მახასიათებლებს;

2.8.2. პროდუქტს აქვს ქარხნული წუნი;

2.8.3. პროდუქტი დაზიანდა ტრანსპორტირებისას;

2.8.4. Salamander-მა ვერ დაიცვა შეთანხმებული მიწოდების ვადა;

2.8.5. პროდუქტი დაუზიანებელი და გამოუყენებელია და სრულად აკმაყოფილებს წინამდებარე პირობებით დადგენილ დაბრუნების ან გაცვლის მოთხოვნებს.

3. თანხის დაბრუნების პოლიტიკა

3.1. პროდუქტის დაბრუნების შემთხვევაში, Salamander აანაზღაურებს პროდუქტში გადახდილ თანხას შემდეგი პირობებით:

3.1.1. პროდუქტის ღირებულების 100%-ის ანაზღაურება მოხდება, თუ პროდუქტი დაუზიანებელი და გამოუყენებელია, ინარჩუნებს საწყის მდგომარეობას და თან ახლავს შეძენისას გადაცემული ყველა ნივთი და დოკუმენტი (მათ შორის ზედნადები, გადახდის დამადასტურებელი დოკუმენტი, ორიგინალი ყუთი და შესაბამისი აქსესუარები).

3.1.2. პროდუქტის ღირებულების 100%-ის ანაზღაურება ასევე მოხდება, თუ პროდუქტს აქვს ქარხნული წუნი, არ შეესაბამება შეკვეთას ან ვებგვერდის მახასიათებლებს, ან დაზიანდა ტრანსპორტირებისას, იმ პირობით, რომ პროდუქტს თან ახლავს შეძენისას მიღებული ყველა შესაბამისი ნივთი და დოკუმენტი.

3.1.3. თუ გამოკვლევის შედეგად დადგინდა, რომ პროდუქტმა ვერ შეინარჩუნა საწყისი მდგომარეობა, გამოყენებულია, დაზიანებულია მომხმარებლის მიერ, ან აკლია შეძენისას გადაცემული თანმხლები ნივთები და დოკუმენტები, Salamander უფლებამოსილია უარი თქვას დაბრუნებაზე და არ აანაზღაუროს თანხა.

3.2. თანხის დაბრუნება ხდება საბანკო გადარიცხვით მომხმარებლის საბანკო ანგარიშზე.

4. მიწოდებისა და ტრანსპორტირების ხარჯების ანაზღაურება

4.1. Salamander აანაზღაურებს დაბრუნების მიწოდების/ტრანსპორტირების ხარჯს მხოლოდ იმ შემთხვევაში, თუ:

4.1.1. პროდუქტი არ შეესაბამება შეკვეთას ან ვებგვერდის მახასიათებლებს;

4.1.2. პროდუქტს აქვს ქარხნული წუნი;

4.1.3. პროდუქტი დაზიანდა ტრანსპორტირებისას.

4.2. ყველა სხვა შემთხვევაში, მომხმარებელს შეუძლია:

4.2.1. ისარგებლოს Salamander-ის ფასიანი დაბრუნების მიწოდების სერვისით, რომლის ღირებულებაა 10 ლარი. მიწოდების საფასურის გადახდა შესაძლებელია საბანკო გადარიცხვით ან ნაღდი ანგარიშსწორებით;

4.2.2. თავად მოაწყოს პროდუქტის დაბრუნება მისთვის სასურველი საკურიერო ან სატრანსპორტო სერვისის გამოყენებით.

5. დაბრუნებისა და გაცვლის პროცედურა

5.1. თუ მომხმარებელი დაბრუნებას ან გაცვლას ითხოვს მიწოდებისთანავე, შესაბამისი ინფორმაცია ეგზავნება საინფორმაციო ცენტრს. დადასტურების შემდეგ, კურიერი უფლებამოსილია, დაიბრუნოს პროდუქტი.

5.2. მომხმარებელს შეუძლია ოფიციალურად წარადგინოს დაბრუნების ან გაცვლის მოთხოვნა პროდუქტის მიღებიდან 3 კალენდარული დღის განმავლობაში.

5.3. დაბრუნების ან გაცვლის მოთხოვნის წარდგენის შემდეგ, მომხმარებელმა უნდა უზრუნველყოს პროდუქტის Salamander-ისთვის დაბრუნება 10 კალენდარული დღის განმავლობაში.

5.4. მომხმარებელმა არ უნდა გამოიყენოს პროდუქტი, დააზიანოს იგი ან შეცვალოს მისი საწყისი იერსახე დაბრუნებამდე ან გაცვლამდე. წინააღმდეგ შემთხვევაში, Salamander იტოვებს უფლებას, უარი თქვას დაბრუნებაზე ან გაცვლაზე.

5.5. თუ პროდუქტის მიღებიდან 3 კალენდარული დღის განმავლობაში წარდგენილი დაბრუნების ან გაცვლის მოთხოვნა გამოწვეულია პროდუქტის წუნით (მათ შორის ვიზუალური ან ქარხნული წუნით), შეკვეთასთან შეუსაბამობით, ან www.salamander.ge-ზე მითითებულ მახასიათებლებთან შეუსაბამობით, დაბრუნება ან გაცვლა განხორციელდება წინამდებარე პირობების სრული დაცვით.

5.6. თუ ქარხნული წუნი აღმოჩენილია პროდუქტის მიღებიდან 3 კალენდარული დღის შემდეგ, მომხმარებელმა უნდა იმოქმედოს მოქმედი საგარანტიო პირობების შესაბამისად, ასეთის არსებობის შემთხვევაში.