წესები და პირობები

წინამდებარე წესები და პირობები წარმოადგენს თქვენსა და შპს „ქალამანი“-ს, შემდგომში „კომპანია“ ან „სალამანდრა“, შორის დადებულ სავალდებულო შეთანხმებას და არეგულირებს www.salamander.ge ვებსაიტით სარგებლობის წესებს.

ვებსაიტით სარგებლობით მომხმარებელი ადასტურებს, რომ გაეცნო და ეთანხმება წინამდებარე წესებსა და პირობებს, კონფიდენციალურობის პოლიტიკას, მიწოდების პირობებსა და პროდუქტის დაბრუნების/გადაცვლის პირობებს.

გთხოვთ, ვებსაიტით სარგებლობამდე ყურადღებით გაეცნოთ წინამდებარე წესებსა და პირობებს.

1. ტერმინთა განმარტება

1.1. წინამდებარე წესებსა და პირობებში გამოყენებულ ტერმინებს აქვს ქვემოთ მოცემული მნიშვნელობა, თუ კონტექსტიდან სხვა რამ არ გამომდინარეობს:

1.1.1. ანგარიში - მომხმარებლის მიერ ვებსაიტზე რეგისტრირებული პირადი ანგარიში;

1.1.2. ავტორიზაცია - მომხმარებლის მიერ პირად ანგარიშზე წვდომა;

1.1.3. ვებსაიტი - www.salamander.ge, რომლის მეშვეობითაც მომხმარებელს შეუძლია პროდუქტის დათვალიერება, შერჩევა და შეძენა;

1.1.4. მომხმარებელი - ფიზიკური ან იურიდიული პირი, რომელიც სარგებლობს ვებსაიტით ან ახორციელებს შეკვეთას;

1.1.5. კომპანია/სალამანდრა/ჩვენ - შპს „ქალამანი“, საიდენტიფიკაციო კოდი: 404885914, რეგისტრირებული მისამართი: საქართველო, თბილისი, ვაკე-საბურთალოს რაიონი, ანდრია რაზმაძის ქ. 33;

1.1.6. მხარეები - კომპანია და მომხმარებელი ერთად;

1.1.7. შეკვეთა - მომხმარებლის მიერ ვებსაიტის საშუალებით შერჩეული პროდუქტის შეძენის მიზნით განხორციელებული მოთხოვნა;

1.1.8. პროდუქტი - ვებსაიტზე განთავსებული ნებისმიერი ნივთი, რომლის შეძენაც მომხმარებელს შეუძლია;

1.1.9. ხელშეკრულება - მომხმარებელსა და კომპანიას შორის არსებული შეთანხმება, რომელიც მოიცავს წინამდებარე წესებსა და პირობებს, კონფიდენციალურობის პოლიტიკას, მიწოდების პირობებსა და დაბრუნების/გადაცვლის პირობებს.

1.2. მხოლობითი რიცხვის აღმნიშვნელი სიტყვები საჭიროების შემთხვევაში მოიცავს მრავლობითსაც და პირიქით.

2. მომხმარებლის განცხადებები და გარანტიები

2.1. წინამდებარე წესებსა და პირობებზე თანხმობით მომხმარებელი ადასტურებს, რომ:

2.1.1. არის სრულწლოვანი და ქმედუნარიანი პირი, ან წარმოადგენს იურიდიულ პირს, რომელსაც აქვს შესაბამისი უფლებამოსილება ვებსაიტით სარგებლობისა და შეკვეთის განთავსებისთვის;

2.1.2. ვებსაიტზე რეგისტრაციისას ან შეკვეთის განთავსებისას მის მიერ მითითებული ინფორმაცია არის ზუსტი, სრული და განახლებული;

2.1.3. ვებსაიტით სარგებლობს კეთილსინდისიერად და კანონმდებლობის მოთხოვნათა დაცვით;

2.1.4. არ გამოიყენებს ვებსაიტს უკანონო, თაღლითური ან სხვა არაკეთილსინდისიერი მიზნებისთვის;

2.1.5. გაეცნო წინამდებარე წესებსა და პირობებს და ეთანხმება მათ;

2.1.6. ვალდებულია, დაუყოვნებლივ აცნობოს კომპანიას იმ მონაცემების ცვლილების შესახებ, რომლებიც მნიშვნელოვანია შეკვეთის შესრულებისთვის ან მომხმარებელთან კომუნიკაციისთვის.

2.2. მომხმარებელი პასუხისმგებელია მის მიერ მითითებული ინფორმაციის სიზუსტეზე. არასწორი ან არასრული ინფორმაციის მიწოდების შედეგად წარმოშობილ შეფერხებაზე კომპანია პასუხისმგებელი არ არის.

3. მომხმარებლის ანგარიშის შექმნა და გამოყენება

3.1. მომხმარებელს შეუძლია ვებსაიტით სარგებლობა როგორც რეგისტრაციის გზით, ისე იმ წესით, რომელსაც ვებსაიტი კონკრეტულ მომენტში სთავაზობს.

3.2. ანგარიშის რეგისტრაციისას მომხმარებელი უთითებს მოთხოვნილ ინფორმაციას, მათ შორის სახელს, გვარს, ელ. ფოსტასა და პაროლს.

3.3. მომხმარებელი ვალდებულია, დაიცვას პირადი ანგარიშის მონაცემების კონფიდენციალურობა და არ გადასცეს ისინი მესამე პირებს.

3.4. მომხმარებლის ანგარიშის გამოყენებით განხორციელებულ ნებისმიერ მოქმედებაზე პასუხისმგებელია თავად მომხმარებელი, გარდა იმ შემთხვევისა, როდესაც დადასტურდება კომპანიის ბრალეულობა.

3.5. მომხმარებელს შეუძლია ვებსაიტზე შეარჩიოს სასურველი პროდუქტი, დაამატოს იგი კალათაში, მიუთითოს მიწოდებისა და გადახდისთვის საჭირო ინფორმაცია და დაასრულოს შეკვეთა.

3.6. შეკვეთის განთავსებამდე მომხმარებელმა უნდა დაადასტუროს, რომ ეთანხმება ვებსაიტით სარგებლობის წესებსა და პირობებს.

3.7. დამატებითი კითხვების შემთხვევაში მომხმარებელს შეუძლია დაუკავშირდეს სალამანდრას მხარდაჭერის ჯგუფს ტელეფონის ნომერზე: 032 210 51 50 ან ელ. ფოსტაზე: info@salamander.ge.

4. ავტორიზაცია და უსაფრთხოება

4.1. რეგისტრაციის შემდეგ მომხმარებელი ვებსაიტზე ავტორიზაციას გადის მის მიერ მითითებული მონაცემების საშუალებით.

4.2. მომხმარებლის სახელი, ელ. ფოსტა, მობილური ტელეფონის ნომერი, პაროლი ან სხვა იდენტიფიკატორი გამოიყენება მომხმარებლის იდენტიფიკაციისა და ანგარიშზე წვდომის უზრუნველსაყოფად.

4.3. უსაფრთხოების ან მომსახურების გაუმჯობესების მიზნით, კომპანიას უფლება აქვს, საჭიროების შემთხვევაში დანერგოს დამატებითი იდენტიფიკაციის ან ავტორიზაციის მექანიზმები.

4.4. მომხმარებელი ვალდებულია, დაუყოვნებლივ აცნობოს კომპანიას მისი ანგარიშის უნებართვო გამოყენების ან უსაფრთხოების შესაძლო დარღვევის შესახებ.

5. პროდუქტის შერჩევა და შეკვეთის განთავსება

5.1. მომხმარებელს ვებსაიტზე შეუძლია დაათვალიეროს პროდუქცია, შეარჩიოს სასურველი კატეგორია, გამოიყენოს ფილტრები და გაეცნოს პროდუქტის აღწერას, ფასსა და სხვა მახასიათებლებს.

5.2. პროდუქტის კალათაში დამატების შემდეგ მომხმარებელი გადადის შეკვეთის გაფორმების გვერდზე, სადაც უთითებს შეკვეთისთვის საჭირო ინფორმაციას.

5.3. შეკვეთის საბოლოო ღირებულება შეიძლება მოიცავდეს პროდუქტის ფასს, მიწოდების საფასურს ან სხვა დამატებით მომსახურების საფასურს, თუ ასეთი არსებობს.

5.4. შეკვეთა ითვლება მიღებულად მას შემდეგ, რაც მომხმარებელი დაასრულებს შეკვეთის განთავსების პროცესს და კომპანია დაადასტურებს შეკვეთას.

5.5. კომპანია უფლებამოსილია, საჭიროების შემთხვევაში, დაუკავშირდეს მომხმარებელს შეკვეთის დეტალების დასაზუსტებლად.

5.6. კომპანია უფლებას იტოვებს, გააუქმოს შეკვეთა, თუ პროდუქტი აღარ არის ხელმისაწვდომი, მომხმარებლის მიერ მითითებული ინფორმაცია არასწორია, გადახდა ვერ განხორციელდა ან არსებობს სხვა ობიექტური გარემოება, რომელიც შეუძლებელს ხდის შეკვეთის შესრულებას.

6. ანგარიშსწორება

6.1. მომხმარებელს შეუძლია ანგარიშსწორება განახორციელოს ვებსაიტზე მითითებული გადახდის მეთოდებით, მათ შორის Visa/Mastercard ბარათით ან საბანკო გადარიცხვით.

6.2. გადახდის განხორციელებით მომხმარებელი ადასტურებს შეკვეთის პირობებსა და წინამდებარე წესებზე თანხმობას.

6.3. საბანკო ბარათით ან საბანკო გადარიცხვით გადახდისას თანხის მიმღებია შპს „ქალამანი“.

6.4. გადახდის პროცესში ტექნიკური ხარვეზის ან სხვა პრობლემის წარმოშობის შემთხვევაში, მომხმარებელს შეუძლია დაუკავშირდეს სალამანდრას მომხმარებელთა მხარდაჭერის ჯგუფს.

7. მიწოდება და პროდუქტის მიღება

7.1. მომხმარებელი www.salamander.ge-ს საშუალებით შეძენილ პროდუქტს მიიღებს ვებსაიტზე განთავსებული მიწოდების პირობების შესაბამისად.

7.2. პროდუქტის მიმღები შეიძლება იყოს:

7.2.1. თავად მომხმარებელი;

7.2.2. მომხმარებლის მიერ მითითებული სხვა პირი.

7.3. თუ პროდუქტი უნდა ჩაიბაროს სხვა პირმა, მომხმარებელმა კომპანიას უნდა მიაწოდოს მიმღები პირის იდენტიფიკაციისთვის საჭირო ინფორმაცია, მათ შორის სახელი, გვარი, პირადი ნომერი და მისამართი.

7.4. პროდუქტის ჩაბარებისას მიმღებმა პირმა შესაძლოა წარადგინოს პირადობის დამადასტურებელი დოკუმენტი.

8. პროდუქტის დაბრუნება და გადაცვლა

8.1. მომხმარებელს უფლება აქვს, ისარგებლოს პროდუქტის დაბრუნების ან გადაცვლის უფლებით ვებსაიტზე განთავსებული დაბრუნებისა და გადაცვლის პირობების შესაბამისად.

8.2. დაბრუნებისა და გადაცვლის წესები, ვადები, გამონაკლისები და თანხის ანაზღაურების პირობები განისაზღვრება სალამანდრას დაბრუნებისა და გადაცვლის პოლიტიკით.

8.3. ვებსაიტით სარგებლობითა და შეკვეთის განთავსებით მომხმარებელი ადასტურებს, რომ გაეცნო და ეთანხმება დაბრუნებისა და გადაცვლის პირობებს.

9. პირადი ანგარიშის დახურვა და სარგებლობის შეზღუდვა

9.1. მომხმარებელს უფლება აქვს, ნებისმიერ დროს შეწყვიტოს ვებსაიტით სარგებლობა.

9.2. კომპანია უფლებამოსილია, მომხმარებელს შეუზღუდოს ან შეუწყვიტოს ვებსაიტით ან პირადი ანგარიშით სარგებლობის უფლება, თუ მომხმარებელი არღვევს წინამდებარე წესებსა და პირობებს, იყენებს ვებსაიტს არაკეთილსინდისიერად ან არღვევს კანონმდებლობის მოთხოვნებს.

9.3. ანგარიშის დახურვა ან სარგებლობის შეზღუდვა არ ათავისუფლებს მომხმარებელს იმ ვალდებულებებისგან, რომლებიც წარმოიშვა ანგარიშის დახურვამდე ან სარგებლობის შეზღუდვამდე.

9.4. იმ შემთხვევაში, თუ კომპანია მომხმარებელს შეზღუდავს ან შეუწყვეტს ვებსაიტით სარგებლობის უფლებას დარღვევის გამო, მომხმარებელი არ არის უფლებამოსილი, კომპანიის თანხმობის გარეშე შექმნას ახალი ანგარიში საკუთარი ან სხვა პირის სახელით.

10. კომპანიის პასუხისმგებლობის შეზღუდვა

10.1. მომხმარებელი ადასტურებს, რომ ვებსაიტით სარგებლობს საკუთარი გადაწყვეტილებით.

10.2. კომპანია ცდილობს, უზრუნველყოს ვებსაიტის გამართული და უწყვეტი ფუნქციონირება, თუმცა არ იძლევა გარანტიას, რომ ვებსაიტი ყოველთვის იქნება ხელმისაწვდომი, შეუფერხებელი ან შეცდომებისგან სრულად თავისუფალი.

10.3. კომპანია არ არის პასუხისმგებელი ისეთი შეფერხების, ხარვეზის ან ზიანისთვის, რომელიც გამოწვეულია მომხმარებლის მოწყობილობით, ინტერნეტკავშირით, მესამე პირების ქმედებით, ტექნიკური პრობლემით ან კომპანიის კონტროლს მიღმა არსებული სხვა გარემოებით.

10.4. კომპანია არ არის პასუხისმგებელი იმ ვებსაიტების შინაარსზე, უსაფრთხოებასა და კონფიდენციალურობის პოლიტიკაზე, რომლებზეც მომხმარებელი შესაძლოა გადავიდეს www.salamander.ge-ზე განთავსებული ბმულების საშუალებით.

10.5. კომპანია პასუხისმგებელია მომხმარებლისთვის მომსახურების გაწევაზე წინამდებარე წესებისა და მოქმედი კანონმდებლობის შესაბამისად.

11. ხელშეკრულების მოქმედების ვადა და შეწყვეტა

11.1. წინამდებარე წესები და პირობები ძალაში შედის მომხმარებლის მიერ მათზე თანხმობის გამოხატვის ან ვებსაიტით სარგებლობის მომენტიდან.

11.2. წესები და პირობები მოქმედებს მომხმარებლის ვებსაიტით სარგებლობის მთელი პერიოდის განმავლობაში.

11.3. მომხმარებლის მიერ პროდუქტის ღირებულების სრულად გადახდა წარმოადგენს შესაბამისი შეკვეთიდან გამომდინარე ფულადი ვალდებულების შესრულებას, თუმცა არ იწვევს წინამდებარე წესებისა და პირობების მოქმედების შეწყვეტას.

12. მარეგულირებელი კანონმდებლობა და დავების გადაწყვეტა

12.1. წინამდებარე წესები და პირობები რეგულირდება და განიმარტება საქართველოს კანონმდებლობის შესაბამისად.

12.2. მხარეები შეეცდებიან, წინამდებარე წესებთან ან მათ შესრულებასთან დაკავშირებული ნებისმიერი დავა ან უთანხმოება გადაწყვიტონ მოლაპარაკების გზით.

12.3. თუ მხარეები მოლაპარაკების გზით ვერ მიაღწევენ შეთანხმებას, დავა გადაწყდება საქართველოს კანონმდებლობით დადგენილი წესით.

13. ცვლილებები წესებსა და პირობებში

13.1. კომპანია უფლებას იტოვებს, საჭიროების შემთხვევაში შეცვალოს წინამდებარე წესები და პირობები.

13.2. განახლებული ვერსია გამოქვეყნდება www.salamander.ge-ზე და ძალაში შევა გამოქვეყნების მომენტიდან, თუ სხვა რამ არ იქნება მითითებული.

13.3. არსებითი ცვლილებების შემთხვევაში, საჭიროებისამებრ, მომხმარებელს შეიძლება მოეთხოვოს განახლებულ პირობებზე ხელახალი თანხმობის გამოხატვა.

13.4. ვებსაიტით სარგებლობის გაგრძელება განახლებული პირობების გამოქვეყნების შემდეგ ნიშნავს, რომ მომხმარებელი ეთანხმება განხორციელებულ ცვლილებებს.

14. კონფიდენციალურობის პოლიტიკა

14.1. მომხმარებლის პერსონალური მონაცემების დამუშავება ხორციელდება სალამანდრას კონფიდენციალურობის პოლიტიკის შესაბამისად.

14.2. ვებსაიტით სარგებლობით მომხმარებელი ადასტურებს, რომ გაეცნო და ეთანხმება კონფიდენციალურობის პოლიტიკას.

15. ერთიანი შეთანხმება

15.1. წინამდებარე წესები და პირობები, კონფიდენციალურობის პოლიტიკასთან, მიწოდების პირობებთან და დაბრუნების/გადაცვლის პირობებთან ერთად, წარმოადგენს მომხმარებელსა და კომპანიას შორის ვებსაიტით სარგებლობასთან დაკავშირებულ ერთიან შეთანხმებას.

15.2. წინამდებარე წესები ანაცვლებს ამავე საკითხთან დაკავშირებით მხარეთა შორის არსებულ ყველა წინარე ზეპირ ან წერილობით კომუნიკაციას, შეთანხმებას ან განცხადებას.

16. გარდამავალი დებულებები

16.1. წინამდებარე წესებში გამოყენებული სათაურები განკუთვნილია მხოლოდ ტექსტის მარტივად წაკითხვისთვის და გავლენას არ ახდენს წესების განმარტებაზე.

16.2. თუ წინამდებარე წესების რომელიმე პუნქტი ბათილად, ძალადაკარგულად ან გამოუყენებლად იქნა მიჩნეული, ეს არ იმოქმედებს დანარჩენი პუნქტების ნამდვილობასა და მოქმედებაზე.

16.3. მომხმარებელი კომპანიის წინასწარი წერილობითი თანხმობის გარეშე არ არის უფლებამოსილი, წინამდებარე წესებიდან გამომდინარე უფლებები ან ვალდებულებები გადასცეს სხვა პირს.

16.4. იმ საკითხებზე, რომლებიც პირდაპირ არ არის მოწესრიგებული წინამდებარე წესებითა და პირობებით, მხარეები იხელმძღვანელებენ საქართველოს მოქმედი კანონმდებლობით.